طلبتكـ "يمهـ" هاتيلي عروسهـ مآلها رجلين

يجينا الفرج بكرى.. يا بنتي بس لاتبكيين

انا مااستحمل دموعكـ .. وهمساتكـ تبكيني

نشف دمعي على خدي يابنتي من ثلاث اسنين

وصارت كل آلامي تعيش وتلتحم فيني

يا بنتي احبسي دمعكـ دخيلكـ اكتميه الحين

حرام الدمعة في عينكـ تعانق ماضي سنيني

تعالي واحضني فرحي .. وقولي للفرح اهلين

وخلي حزنكـ بقلبي .. دخيلكـ يابعـد عيني

اشوف الدنيابعيونكـ.. واشوف الفرحة بكـ يآ زين

وانا مالي سواكـ إنتِ .. وإنتِ شمعةتضويني

علام الهم في قلبكـ.. يابنتي ليهـ ماتحكين

ابيكـ تكسري همكـ و انا امكـ قولي حاكيني

يايمـهـ حالتي صعبةانا و الفقرصرنا اخوين

اعيش بظلمةهمومي وألآقي الهم يكويني

معاقةيمهـ من صغري .. معاقة تشتكي حق مين؟

مدام ان البشرتنظر لحالي بعطف يعميني

اناظر هالبشر واسأل ..انا وش موقعي الحيــن؟؟

وش اللي يميز الأعمى عن اللي شوفهم زيني

فقيرةحظ يا يمـهـ وحالي تعمي العينين

من اللي يعشق ويهوى معاقة حظها شيني

سألتيني وش اتمنى يايمهـ منيتي شيين

يكون الفرح أولهم بعدها تعيش رجليني

انا ودي ومنى عيني يكون لجسمي بس رجلين

تساعدني على بركـ .. وبركـ غايتي وديني

يا ليت الناس ترحمني وترحم حالة المسكين

ولا تجلس تناظرلي بنظرهـ تجرح سنيني

تلاقين الفرح مظلم ونور الحزن وسط العين

وألآقي الهم والحسرة وسم هالوقت بجبيني

معاقة يمهـ قوليلي علامكـ ساكتة تبكين

كلامي ازعجكـ ادري .. وادري الدمع يشكيني

دخيلكـ يمـهـ لي رجوة مدامكـ قادرة تكفين

ابي لي لعبة يايمهـ تكون الصادقة بعيني!!

طلبتكـ يمه هاتيلي عروسةمالها رجلين

وابيها تكون في كرسي .. ( معاقة ) مثلي ترثيني

_________________